REPUBLIKA E SHQIPËRISË
KUVENDI
PROJEKT
LIGJ
Nr. _______/2013
PËR
DISA SHTESA DHE NDRYSHIME NË LIGJIN NR. 7895, DATË 27.1.1995
“KODI PENAL I REPUBLIKËS SË SHQIPËRISË”, TË NDRYSHUAR
Në mbështetje të neneve 81 pika 2 shkronja “d” dhe 83 pika 1 të Kushtetutës, me
propozimin e Këshillit të Ministrave,
KUVENDI
I REPUBLIKËS SË SHQIPËRISË
VENDOSI:
Në ligjin nr. 7895, datë 27.1.1995 “Kodi Penal i Republikës së Shqipërisë”, të
ndryshuar, bëhen këto shtesa dhe ndryshime:
Neni 1
Pas pikës 10, të paragrafit të parë të nenit 30, shtohet pika 11 me përmbajtje si më
poshtë vijon:
“11. Detyrimi për t’iu nënshtruar masave mjekësore.
Neni 2
Paragrafi i parë i nenit 32, ndryshohet si më poshtë vijon:
“Dënimi me burgim për krimet jepet për një kohë nga pesë ditë deri në
tridhjetë vjet. Në rast se kryerja e veprës penale është bërë në kushtet e ekzistencës DRAFT I PAKETES SE NDRYSHIMEVE NE KODIN PENAL 2 | P a g e
të jo më pak se dy rrethanave rënduese, sipas nenit 50 të këtij Kodi, maksimumit të
dënimit me burgim i shtohen edhe dhjetë vite.”.
Neni 3
Paragrafi i dytë i nenit 39, ndryshohet si më poshtë vijon:
“Heqja e së drejtës së ushtrimit të një veprimtarie ose të një mjeshtërie jepet
për një kohë nga një muaj deri në pesë vjet dhe është rrjedhojë e çdo dënimi për
vepra penale që kryhet duke i shpërdoruar ato, ose kur vlerësohet se do të ketë
efekt parandalues dhe përputhet me natyrën e veprës penale të kryer.”
Neni 4
Paragrafi i parë i nenit 46, ndryshohet si më poshtë vijon:
“Masat mjekësore mund të jepen nga gjykata ndaj personave të
papërgjegjshëm që kanë kryer një vepër penale, ose si dënim plotësues ndaj
personave që kanë kryer veprën penale në gjendje të dehur apo nën efektin e
lëndëve narkotike. Masat edukuese mund të jepen ndaj të miturve që përjashtohen
nga dënimi ose që për shkak të moshës nuk kanë përgjegjësi penale.”
Neni 5
Në nenin 48, shtohen dy paragrafë me përmbajtje si më poshtë vijon:
“Rrethana lehtësuese e parashikuar në shkronjën “a”, të paragrafit të parë të
këtij neni, nuk lehtëson dënimin kur vepra penale është kryer në rrethanat e
parashikuara në shkronjën “j”, të nenit 50 të këtij Kodi.
Rrethana lehtësuese e parashikuar në shkronjën “e”, të paragrafit të parë të
këtij neni, nuk lehtëson dënimin e një personi që ka kryer një vepër penale ndaj
fëmijëve apo një vepër penale të dhunës në familje.”.
Neni 6
Në nenin 50 bëhen këto ndryshime:
a) Pas shkronjës “ç”, shtohet shkronja “ç/1”, me përmbajtje si më poshtë
vijon:
“ç/1) kryerja e veprës penale pas vendosjes së personit nën mbikëqyrje
elektronike;”.DRAFT I PAKETES SE NDRYSHIMEVE NE KODIN PENAL 3 | P a g e
b) Pas shkronjës “e”, shtohet shkronja “e/1”, me përmbajtje si më poshtë
vijon:
“e/1) kryerja e një krimi gjatë ose pas dhënies së urdhrave gjyqësor të mbrojtjes
nga dhuna në familje;”.
c) Shkronja “g” ndryshohet si më poshtë vijon:
“g) kur vepra është kryer duke përfituar nga marrëdhëniet familjare, të
bashkëjetesës, të miqësisë, të mikpritjes;”.
ç) Shkronja “j” ndryshohet si më poshtë vijon:
“j) kryerja e veprës e shtyrë nga motive që kanë të bëjnë me gjininë, racën,
ngjyrën, etninë, gjuhën, identitetin gjinor, orientimin seksual, bindjet politike,
fetare ose filozofike, gjendjen ekonomike, arsimore ose shoqërore, përkatësinë
prindërore, përgjegjësinë prindërore, gjendjen familjare ose martesore, gjendjen
civile, vendbanimin, gjendjen shëndetësore, predispozicione gjenetike, aftësinë e
kufizuar, ose përkatësinë në një grup të veçantë.”.
Neni 7
Pas nenit 52 shtohet nenet 52/a dhe 52/b me përmbajtje si më poshtë vijon:
“Neni 52/a
Përjashtimi nga vuajtja e dënimit
Personi, që ka premtuar ose ka dhënë shpërblim ose përfitime të tjera, sipas
neneve 164/1, 244, 245, 312, 319 dhe 328 të këtij Kodi, mund të përfitojë
përjashtim nga vuajtja e dënimi ose ulje të tij, sipas rregullave të parashikuara në
nenin 28 të këtij Kodi, nëse bën kallëzim dhe jep ndihmesë në procedimin penal të
këtyre veprave.
Në dhënien e vendimit, gjykata mban parasysh edhe kohën kur është bërë
kallëzimi, ardhjen ose jo të pasojave të veprës.
Neni 52/b
Përjashtimi nga dënimi
Personi i dëmtuar nga veprat penale që lidhen me trafikimin e personit,
mund të përfitojnë përjashtimin nga dënimi, për kryerjen e veprave penale gjatë
periudhës së trafikimit dhe në masën që ka qenë i detyruar t’i kryejë ato veprime
apo mosveprime të kundërligjshme.”.
Neni 8DRAFT I PAKETES SE NDRYSHIMEVE NE KODIN PENAL 4 | P a g e
Në nenin 53, pas fjalëve “rrethanave lehtësuese” shtohen fjalët “dhe nuk është e
pranishme asnjë rrethanë rënduese”.
Neni 9
Pas nenit 53 shtohet neni 53/a me përmbajtje si më poshtë vijon:
“Neni 53/a
Ndihma në zbulimin e krimeve
Personi i arrestuar ose i dënuar për njërën nga veprat penale që kanë lidhje
me trafikun e narkotikëve, armëve apo municioneve, trafikimin e personave ose
për vepra penale të kryera nga organizata kriminale, që bashkëpunon dhe ndihmon
organet e ndjekjes penale në luftën kundër tyre ose, sipas rastit, në zbulimin e
personave të tjerë që kryejnë krime të tilla, nuk mund të dënohet më tepër se
gjysma e dënimit të parashikuar për veprën e kryer prej tij. Në raste të veçanta, kur
konkurrojnë edhe rrethana lehtësuese në favor të tij, ky person mund të
përjashtohet nga dënimi.”.
Neni 10
Pas paragrafit të parë, të nenit 59/a, shtohet një paragraf me përmbajtje si më
poshtë vijon:
“Gjykata, në rrethanat e parashikuara në shkronjat “a” dhe “b”, të paragrafit
të parë të këtij neni, nuk mund të vendos vuajtjen e dënimit të dhënë me qëndrim
në shtëpi, të dënuarve që kanë kryer një vepër penale ndaj bashkëshortit,
bashkëjetuesit apo fëmijës së tij.”
Neni 11
Paragrafi i tretë i nenit 64 ndryshohet si më poshtë vijon:
“Nuk lejohet lirimi me kusht për të dënuarin përsëritës për krime të kryera
me dashje, ose kur vendoset nga gjykata në vendimin e caktimit të dënimit.
Gjykata mund të parashikojë në vendimin e caktimit të dënimit përjashtimin e të
dënuarit nga e drejta e lirimit me kusht, nëse kjo masë përputhet me natyrën e
veprës penale, për një krim që dënohet në maksimum me më shumë se njëzet vjet
burgim, dhe kur ajo është kryer në kushtet e ekzistencës të jo më pak se dy
rrethanave rënduese, sipas nenit 50 të këtij Kodi.”.DRAFT I PAKETES SE NDRYSHIMEVE NE KODIN PENAL 5 | P a g e
Neni 12
Në nenin 74, shtohet një paragraf me përmbajtje si më poshtë vijon:
“Zhdukja me forcë e një grupi të popullsisë civile ose në mënyrë sistematike,
përbën vepër penale dhe dënohet jo më pak se pesëmbëdhjetë vjet ose me burgim
të përjetshëm.”.
Neni 13
Pas nenit 79, shtohen nenet 79/a, 79/b, 79/c dhe 79/ç, me përmbajtje si më poshtë
vijon:
“Neni 79/a
Vrasja e funksionarëve publik
Vrasja me dashje e deputetit, gjyqtarit, prokurorit, avokatit, ushtarakut, apo e
funksionarëve të tjerë publik, gjatë detyrës ose për shkak të saj, kur cilësitë e
viktimës janë të dukshme ose të njohura, dënohet me burgim jo më pak se njëzet e
tetë vjet ose me burgim të përjetshëm.
Po kjo vepër kur është kryer në kushtet e ekzistencës të jo më pak se dy
rrethanave rënduese, sipas nenit 50 të këtij Kodi, dënohet me burgim jo më pak se
tridhjetë e tetë vjet ose me burgim të përjetshëm.”.
Neni 79/b
Vrasja e punonjësve të Policisë së Shtetit
Vrasja me dashje e punonjësve të Policisë së Shtetit, gjatë detyrës ose për
shkak të saj, kur cilësitë e viktimës janë të dukshme ose të njohura, dënohet me
burgim jo më pak se njëzet e tetë vjet ose me burgim të përjetshëm.
Po kjo vepër kur është kryer në kushtet e ekzistencës të jo më pak se dy
rrethanave rënduese, sipas nenit 50 të këtij Kodi, dënohet me burgim jo më pak se
tridhjetë e tetë vjet ose me burgim të përjetshëm.”.
Neni 79/c
Vrasja për hakmarrje ose për gjakmarrje
Vrasje me dashje për hakmarrje ose për gjakmarrje , dënohet me burgim jo
më pak se njëzet e tetë vjet ose me burgim të përjetshëm.DRAFT I PAKETES SE NDRYSHIMEVE NE KODIN PENAL 6 | P a g e
Po kjo vepër kur është kryer në kushtet e ekzistencës të jo më pak se dy
rrethanave rënduese, sipas nenit 50 të këtij Kodi, dënohet me burgim jo më pak se
tridhjetë e tetë vjet ose me burgim të përjetshëm.”.
Neni 79/ç
Vrasja në familje
Vrasja me dashje e personit që është bashkëshort, ish-bashkëshort,
bashkëjetues apo ish-bashkëjetues, gjini e afërt ose krushqi e afërt me autorin e
veprës penale, dënohet me burgim jo më pak se njëzet e tetë vjet ose me burgim të
përjetshëm.
Po kjo vepër kur është kryer në kushtet e ekzistencës të jo më pak se dy
rrethanave rënduese, sipas nenit 50 të këtij Kodi, dënohet me burgim jo më pak se
tridhjetë e tetë vjet ose me burgim të përjetshëm.”.
Neni 14
Paragrafi i dytë i nenit 88, ndryshohet si më poshtë vijon:
“Po kjo vepër, kur është kryer kundër disa personave, kundër personit që
është bashkëshort, ish-bashkëshort, bashkëjetues apo ish-bashkëjetues, gjini e afërt
ose krushqi e afërt me autorin e veprës penale, ose kur ka sjellë si pasojë vdekjen,
dënohet me burgim nga pesë deri në pesëmbëdhjetë vjet.”
Neni 15
Në nenin 99, pas fjalëve “çfarëdolloj varësie tjetër” shtohen fjalët “apo nga personi
me të cilin ka marrëdhënie familjare ose bashkëjetese”.
Neni 16
Pas paragrafit të parë të nenit 102, shtohet një paragraf me përmbajtje si më poshtë
vijon:
“Kryerja e marrëdhënieve seksuale me dhunë midis bashkëshortëve apo
bashkëjetuesve, pa pëlqimin e njërit prej tyre, përbën kundërvajtje penale dhe
dënohet me gjobë ose me burgim deri në dy vjet.”
Neni 17DRAFT I PAKETES SE NDRYSHIMEVE NE KODIN PENAL 7 | P a g e
Në nenin 108, pas paragrafit të parë shtohet paragrafi i dytë me këtë përmbajtje:
“Po kjo vepër, kur kryhet ndaj një të mituri që nuk ka arritur moshën
katërmbëdhjetë vjeç, me të cilin autori ka marrëdhënie familjare, dënohet me
burgim nga pesë deri në dhjetë vjet.”.
Neni 18
Pas nenit 109/b, shtohet neni 109/c, me përmbajtje si më poshtë vijon:
“Neni 109/c
Zhdukja me forcë
Zhdukja me forcë, nëpërmjet arrestimit, burgimit, rrëmbimit ose çdo forme
tjetër heqjeje lirie të personit, nga funksionarët publik apo nga persona që veprojnë
me autorizimin, mbështetjen ose miratimin e tyre, shoqëruar me mos pranimin e
heqjes së lirisë apo me fshehjen e fatit të personit ose vendit në të cilin ndodhet ai,
duke i mohuar ndihmën dhe mbrojtjen e nevojshme sipas ligjit, përbën vepër
penale dhe dënohet me burgim nga shtatë deri në pesëmbëdhjetë vjet.
Eprori që:
i) kishte dijeni që vartës të vendosur nën autoritetin dhe kontrollin e tij efektiv po
kryenin ose do të kryenin zhdukje me forcë, ose nuk merr parasysh të dhëna dhe
informacione që e tregonin qartë këtë fakt;
ii) ushtronte përgjegjësinë dhe kontrollin e tij efektiv mbi veprimtaritë me të cilat
ishte lidhur zhdukja me forcë; apo
iii) nuk ka marrë të gjitha masat e nevojshme dhe të arsyeshme që ishin në
kompetencën e tij për të penguar ose ndëshkuar autorizimin, mbështetjen dhe
miratimin e zhdukjes me forcë, ose për t\\\'ia dërguar çështjen organeve kompetente
të ndjekjes penale; dënohet me burgim nga tre deri në shtatë vjet.
Kur kjo vepër kryhet kundër fëmijëve, grave shtatzëna ose personave që për
shkaqe të ndryshme, nuk mund të mbrohen, apo shoqërohet me vuajtje të rënda
fizike, kryhet në bashkëpunim, kundër disa personave ose më shumë se një herë,
dënohet me burgim nga dhjetë deri në njëzet vjet.
Kur kjo vepër ka sjellë si pasojë vdekjen e personit, dënohet me burgim jo
më pak se njëzet e tetë vjet ose me burgim të përjetshëm.
Marrja e paligjshme e fëmijëve që janë subjekt i një zhdukjeje me forcë, ose
e fëmijëve, babai, nëna ose përfaqësuesi ligjor i të cilëve është bërë subjekt i një
zhdukjeje me forcë, apo e fëmijëve të lindur gjatë periudhës së zhdukjes me forcë,
përbën vepër penale dhe dënohet me burgim nga pesë deri në dhjetë vjet.”.DRAFT I PAKETES SE NDRYSHIMEVE NE KODIN PENAL 8 | P a g e
Neni 19
Në nenin 110/a bëhen këto ndryshime:
a) Titulli i nenit ndryshohet si më poshtë vijon:
“Trafikimi i personave mbi 18 vjeç”
b) Në paragrafin e parë shprehja “dënohen me burgim nga pesë deri në
pesëmbëdhjetë vjet dhe me gjobë nga dy milionë deri në pesë milionë lekë”
zëvendësohet me shprehjen “dënohen me burgim nga tetë deri në pesëmbëdhjetë
vjet”.
c) Pas paragrafit të parë, shtohet një paragraf me përmbajtje si më poshtë
vijon:
“Kur kjo vepër kryhet ndaj një personi mbi 18 vjeç që është i gjinisë femërore,
dënohen me burgim nga dhjetë deri në pesëmbëdhjetë vjet”.
ç) Pas paragrafit të dytë, shtohet një paragraf me përmbajtje si më poshtë
vijon:
“Përfitimi apo përdorimi i shërbimeve të ofruar nga personat e trafikuar, apo i
shërbimeve që janë objekt i shfrytëzimit nga trafikimi, duke pasur dijeni që personi
është viktimë e trafikimit, dënohet me burgim nga dy deri në pesë vjet.”.
d) Paragrafi i tretë ndryshohet si më poshtë vijon:
“Kur kjo vepër kryhet në bashkëpunim, më shumë se një herë, shoqërohet me
keqtrajtimin dhe detyrimin me dhunë fizike a psikike ndaj të dëmtuarit, për të kryer
veprime të ndryshme, sjell pasoja të rënda për shëndetin, ose me dashje apo nga
pakujdesia ka rrezikuar jetën e tij, dënohet me burgim jo më pak se pesëmbëdhjetë
vjet.”.
Neni 20
Pas nenit 110/a, shtohet neni 110/b me përmbajtje si më poshtë vijon:
“Neni 110/b
Veprimet që lehtësojnë trafikimin
Falsifikimi, zotërimi ose sigurimi i letërnjoftimeve, i pasaportave, i vizave
ose i dokumenteve të tjera të udhëtimit, apo mbajtja, heqja, fshehja, dëmtimi ose
shkatërrimi i tyre, me qëllim mundësimin e trafikimit të personave mbi 18 vjeç,
përbën vepër penale dhe dënohet me burgim nga dy deri në pesë vite.
Po kjo vepër, kur kryhet me qëllim mundësimin e trafikimit të fëmijës, ose
në bashkëpunim, më shumë se një herë, apo është kryer nga personi që ka për DRAFT I PAKETES SE NDRYSHIMEVE NE KODIN PENAL 9 | P a g e
detyrë të lëshojë letërnjoftimin, pasaportën, vizën apo dokumentin e udhëtimit,
dënohet me burgim nga katër deri në tetë vjet.
Po kjo vepër, kur ka sjellë pasoja të rënda, dënohet me burgim jo më pak se
pesë vjet.”.
Neni 21
Neni 117 ndryshohet si më poshtë vijon:
“Neni 117
Pornografia
Prodhimi, shpërndarja, reklamimi, eksportimi, importimi, shitja e botimi i
materialeve pornografike në ambientet ku ka fëmijë, përbëjnë kundërvajtje penale
dhe dënohen me burgim deri në dy vjet.
Prodhimi, ofrimi, vënia në dispozicion, shpërndarja, transmetimi, përdorimi
ose posedimi i pornografisë së fëmijëve, si dhe krijimi i aksesit në mënyrë të
vetëdijshme në të, me çdo mjet ose formë, dënohet me burgim nga tre deri në
dhjetë vjet.
Shfrytëzimi, rekrutimi, shtrëngimi, ose bindja e një fëmije, për të marrë
pjesë në shfaqje pornografike, si dhe marrja pjesë në shfaqje të tilla që përfshijnë
pjesëmarrjen e fëmijëve, dënohet me burgim nga pesë deri në dhjetë vjet.”.
Neni 22
Paragrafi i dytë i nenit 124/b ndryshohet si më poshtë vijon:
“Detyrimi i të miturit për të punuar, për të siguruar të ardhura, për të lypur
apo për të kryer veprime që dëmtojnë zhvillimin e tij mendor dhe/ose fizik, apo
arsimimin e tij, dënohet me burgim nga dy deri në pesë vjet.”.
Pas paragrafit të dytë, shtohet një paragraf me këtë përmbajtje:
“Ushtrimi i dhunës në familje, sipas nenit 130/a të këtij Kodi, në praninë e të
miturve, dënohet me burgim deri në dy vjet.”.
Neni 23
Në nenin 128/b bëhen këto ndryshime:DRAFT I PAKETES SE NDRYSHIMEVE NE KODIN PENAL 10 | P a g e
a) Në paragrafin e parë shprehja “dënohen me burgim nga shtatë deri në
pesëmbëdhjetë vjet dhe me gjobë nga katër milionë deri në gjashtë milionë lekë”
zëvendësohet me shprehjen “dënohen me burgim nga dhjetë deri në njëzet vjet”.
b) Pas paragrafit të dytë, shtohet një paragraf me përmbajtje si më poshtë
vijon:
“Përfitimi apo përdorimi i shërbimeve të ofruar nga fëmijët e trafikuar, apo i
shërbimeve që janë objekt i shfrytëzimit nga trafikimi, duke patur dijeni që fëmija
është viktimë e trafikimit, dënohet me burgim nga tre deri në shtatë vjet.”.
Neni 24
Pas nenit 137, shtohet neni 137/1 me përmbajtje si më poshtë vijon:
“Neni 137/1
Vjedhja e rrjetit të komunikimeve elektronike
Vjedhja e rrjetit të komunikimeve elektronike dënohet me burgim deri në
pesë vjet.
Po kjo vepër, kur kryhet në bashkëpunim, më shumë se një herë ose ka sjellë
pasoja të rënda, dënohet me burgim nga pesë deri në dhjetë vjet.”.
Neni 25
Pas nenit 144, shtohet neni 144/a, me përmbajtje si më poshtë vijon:
“Neni 144/a
Krijimi i skemave mashtruese lidhur me tatimin mbi vlerën e shtuar
Organizimi dhe vënia në funksionim e skemave mashtruese, me qëllim
fitimin material për vete apo për të tjerët, nëpërmjet mospagimit, apo përfitimit të
kreditimit ose rimbursimit të tatimit mbi vlerën e shtuar, dënohet me burgim nga
katër deri në tetë vjet.”
Neni 26
Neni 147 ndryshohet si më poshtë vijon:
“Neni 147
Shkelja e të drejtave morale të autoritDRAFT I PAKETES SE NDRYSHIMEVE NE KODIN PENAL 11 | P a g e
Shkelja e të drejtave morale të autorit, nëpërmjet vendosjes së autorësisë mbi
veprën e një tjetri, ose duke e paraqitur atë në publik me një emër të ndryshëm nga
ai i autorit të veprës, përbën vepër penale dhe dënohet me gjobë ose me burgim
nga gjashtë muaj deri në tre vjet.”.
Neni 27
Neni 148 ndryshohet si më poshtë vijon:
“Neni 148
Shkelja e të drejtës së vazhdimësisë
Shkelja e të drejtës së vazhdimësisë së autorit mbi një vepër arti të shitur,
sipas legjislacionit në fuqi për të drejtën e autorit, përbën kundërvajtje penale dhe
dënohet me gjobë ose me burgim deri në një vit.”.
Neni 28
Neni 149 ndryshohet si më poshtë vijon:
“Neni 149
Shkelja e të drejtës për shpërblim në rastin e riprodhimit të kopjes private
Shkelja e të drejtës për shpërblim të drejtë, sipas legjislacionit në fuqi për të
drejtën e autorit, në rastin e riprodhimit të kopjes private, nga importuesi,
prodhuesi apo shpërndarësi i pajisjeve dhe mjeteve që shërbejnë për riprodhimin e
kopjes private të veprës së autorit apo objekteve të të drejtave të lidhura me të,
përbën kundërvajtje penale dhe dënohet me gjobë ose me burgim deri në një vit.”
Neni 29
Pas nenit 149, shtohet neni 149/a me përmbajtje si më poshtë vijon:
“Neni 149/a
Shkelja e të drejtave të autorit ose të drejtave të lidhura me të
Riprodhimi, mbajtja, shpërndarja, shitja, qiradhënia, huadhënia, përkthimi,
përshtatja apo importimi, i kopjeve të veprës apo objekteve të mbrojtura nga e
drejta e autorit ose të drejtat e lidhura me të, me çdo mjet apo formë, pa DRAFT I PAKETES SE NDRYSHIMEVE NE KODIN PENAL 12 | P a g e
autorizimin të autorit, sipas legjislacionit në fuqi për të drejtën e autorit, përbën
kundërvajtje penale dhe dënohet me gjobë ose me burgim nga tre muaj deri dy vjet.
Shfaqja apo komunikimi në publik, transmetimi, apo ritransmetimi, i veprës
apo objekteve të mbrojtura nga e drejta e autorit ose të drejtat e lidhura me të, me
çdo mjet apo formë, pa autorizimin të autorit, sipas legjislacionit në fuqi për të
drejtën e autorit, përbën kundërvajtje penale dhe dënohet me gjobë ose me burgim
nga tre muaj deri dy vjet.
Po kjo vepër, kur kryhet në tejkalim të rasteve të lejuara nga legjislacioni në
fuqi edhe pa autorizim të autorit, përbën kundërvajtje penale dhe dënohet me gjobë
ose me burgim deri në një vit.
Po kjo vepër, kur kryhet me qëllim, të drejtpërdrejt apo të tërthortë, përfitimi
ekonomik, dënohet me burgim nga një deri në katër vjet.
Po kjo vepër, kur ka sjellë pasoja të rënda për autorin, që lidhen me numrin e
madh të kopjeve, përfitimet e mëdha ekonomike, apo shkallën e shpërndarjes,
dënohet me burgim nga tre deri në tetë vjet.”.
Neni 30
Pas nenit 149/b, shtohen nenet 149/c dhe 149/ç, me përmbajtje si më poshtë vijon:
“Neni 149/c
Shkelja e masave teknologjike efektive
Shkelja e masave teknologjike efektive, nëpërmjet prodhimit, importimit,
mbajtjes, shpërndarjes, shitjes, qiradhënies apo reklamimit për shitje, të mjeteve,
pajisjeve ose pjesëve të tyre, që shërbejnë, lehtësojnë apo nxisin, shmangien e
masave teknologjike efektive, përbën vepër penale dhe dënohet me burgim nga një
deri në pesë vjet.
Neni 149/ç
Cenimi i informacionit mbi të drejtat mbi veprën
Cenimi i informacionit elektronik të administrimit të të drejtave mbi veprën,
me çdo mjet dhe formë, nëpërmjet heqjes ose ndryshimit të tij, apo shpërndarjes,
transmetimit, shfaqjes ose komunikimit në publik të veprës që i është hequr ose
ndryshuar, pa autorizim, informacioni, përbën vepër penale dhe dënohet me
burgim nga një deri në pesë vjet.
Shfaqja apo komunikimi në publik, transmetimi, apo ritransmetimi, në
mënyrë ndërvepruese dhe pa autorizim, me çdo mjet dhe formë, të programeve ose DRAFT I PAKETES SE NDRYSHIMEVE NE KODIN PENAL 13 | P a g e
shërbimeve të enkriptuara ose koduara, përbën vepër penale dhe dënohet me
burgim nga një deri në pesë vjet.”.
Neni 31
Neni 180 ndryshohet si më poshtë vijon:
“Neni 180
Fshehja e të ardhurave
“Fshehja apo shmangia nga pagimi, e detyrimeve tatimore, nëpërmjet mos
dorëzimit të dokumenteve ose mosdeklarimit të të dhënave të nevojshme sipas
legjislacionit në fuqi, dorëzimit të dokumenteve të falsifikuara, apo deklaratave ose
informacioneve të rreme, me qëllim fitimin material, për vete apo për të tjerët,
përmes përllogaritjes së pasaktë të shumës së tatimit, taksës, apo kontributit,
përbën vepër penale dhe dënohet me gjobë ose me burgim deri në tre vjet.
Kur kjo vepër kryhet me qëllim fshehjen apo shmangien nga pagimi të një
detyrim tatimor me vlerë më të lartë se pesë milion lekë, dënohet me burgim nga
dy deri në pesë vjet.
Kur kjo vepër kryhet me qëllim fshehjen apo shmangien nga pagimi të një
detyrim tatimor me vlerë më të lartë se tetë milion lekë, dënohet me burgim nga
katër deri në tetë vjet.”
Neni 32
Pas nenit 182, shtohet neni 182/a, me përmbajtje si më poshtë vijon:
“Neni 182/a
Prishja e shenjave të bllokimit apo pezullimit të veprimtarisë tregtare
Prishja me dashje e shenjave dalluese të vendosura nga administrata tatimore
për bllokimin apo pezullimin e veprimtarisë tregtare, apo ushtrimi i veprimtarisë
tregtare pas njoftimit të vendimit të administratës tatimore për bllokimin apo
pezullimin e saj, përbën kundërvajtje penale dhe dënohet me gjobë ose me burgim
deri në një vit.”.
Neni 33
Në nenin 206/a bëhen këto ndryshime:DRAFT I PAKETES SE NDRYSHIMEVE NE KODIN PENAL 14 | P a g e
a) Në paragrafin e parë shprehja “nga tre deri në pesë vjet dhe me gjobë nga
500 000 (pesëqind mijë) lekë deri në 1 000 000 (një milion) lekë”, zëvendësohet
me shprehjen “nga pesë deri në dhjetë vjet”.
b) Në paragrafin e dytë shprehja “nga tre deri në dhjetë vjet dhe me gjobë
nga 500 000 (pesëqind mijë) lekë deri në 1 000 000 (një milion) lekë”,
zëvendësohet me shprehjen “nga tetë deri në pesëmbëdhjetë vjet”.
c) Në paragrafin e tretë shprehja “nga pesë deri në pesëmbëdhjetë vjet dhe
me gjobë nga 1 000 000 (një milion) lekë deri në 2 000 000 (dy milion) lekë”,
zëvendësohet me shprehjen “jo më pak se njëzet vjet”.
Neni 34
Në nenin 206/b bëhen këto ndryshime:
a) Në paragrafin e parë shprehja “nga një deri në tre vjet” zëvendësohet me
shprehjen “nga dy deri në pesë vjet”.
b) Në paragrafin e dytë shprehja “nga dy deri në pesë vjet” zëvendësohet me
shprehjen “nga tre deri në tetë vjet”.
Neni 35
Neni 278 ndryshohet si më poshtë vijon:
“Prodhimi i armëve dhe i municioneve luftarake, lëndëve plasëse, i bombave
apo minave, pa lejen e organeve kompetente shtetërore, dënohet me burgim nga
pesë deri në pesëmbëdhjetë vjet.
Mbajtja e armëve, municionit luftarak, i bombave apo minave, ose lëndëve
plasëse në banesë, pa lejen e organeve kompetente shtetërore, dënohet me burgim
nga tre deri në tetë vjet.
Mbajtja e armëve, municionit luftarak, i bombave apo minave, ose lëndëve
plasëse në automjete apo çdo mjet tjetër të motorizuar, në ambiente publike ose në
ambiente të hapura për publikun, pa lejen e organeve kompetente shtetërore,
dënohet me burgim jo më pak se dhjetë vjet.”.
Neni 36
Neni 279 ndryshohet si më poshtë vijon:
“Neni 279
Prodhimi, mbajtja, blerja apo shitja pa leje e armëve të ftohtaDRAFT I PAKETES SE NDRYSHIMEVE NE KODIN PENAL 15 | P a g e
Prodhimi, mbajtja, blerja apo shitja në banesë, e armëve të ftohta si shpatat,
bajonetat, thikat dhe mjete të tjera të përgatitura e të destinuara posaçërisht për
sulm kundër personave ose për vetëmbrojtje, pa leje të organeve kompetente,
dënohen me burgim jo më pak se dy vjet.
Prodhimi, mbajtja, blerja apo shitja në automjete apo çdo mjet tjetër të
motorizuar, në ambiente publike ose në ambiente të hapura për publikun, e armëve
të ftohta si shpatat, bajonetat, thikat dhe mjete të tjera të përgatitura e të destinuara
posaçërisht për sulm kundër personave ose për vetëmbrojtje, pa leje të organeve
kompetente, dënohen me burgim jo më pak se pesë vjet.”.
Neni 37
Neni 290 ndryshohet si më poshtë vijon:
“Neni 290
Shkelja e rregullave të qarkullimit rrugor
Shkelja e rregullave të qarkullimit rrugor, kur ka shkaktuar plagosjen e lehtë
të disa personave, dënohet me gjobë ose me burgim deri në një vit.
Shkelja e rregullave të qarkullimit rrugor, kur ka shkaktuar vdekjen ose
plagosjen e rëndë të një personi, dënohet me burgim nga tre deri në dhjetë vjet.
Kur nga vepra penale është shkaktuar vdekja ose plagosja e rëndë e disa
personave, dënohet me burgim jo më pak se tetë vjet.”
Neni 38
Neni 291 ndryshohet si më poshtë vijon:
“Neni 291
Drejtimi i automjeteve në mënyrë të parregullt
Drejtimi i automjeteve apo mjeteve të tjera të motorizuara në gjendje të
dehur, nën efektin e lëndëve narkotike, apo pa dëshminë përkatëse të aftësisë,
dënohet me gjobë ose me burgim deri në tre vjet.”.
Neni 39
Neni 297 ndryshohet si më poshtë vijon:
“Neni 297DRAFT I PAKETES SE NDRYSHIMEVE NE KODIN PENAL 16 | P a g e
Kalimi i paligjshëm i kufijve shtetëror
Kalimi i paligjshëm i kufijve shtetërorë përbën vepër penale dhe dënohet me
gjobë ose me burgim gjer në tre vjet.”.
Neni 40
Shfuqizime
1. Shkronja “c” e nenit 79, neni 114/ b, 245/2 dhe 284/b, shfuqizohen.
2. Në nenet 78, 83/a, 83/b, 109, 109/b, 110/a, 124/a, 128/b, 135, 143/b, 164/a,
164/b, 186, 189, 197/a, 230/a, 230/b, 230/c, 230/ ç, 230/d, 244, 244/a, 245, 245/1,
248, 248/a, 259, 259/a, 260, 287, 287/a, 287/b, 298, 312, 319, 319/a, 319/b, 319/c,
319/ ç, 319/d, 319/dh, 319/e, 326, 326/a dhe 331, pjesa që parashikon edhe
dënimin me gjobë, si dënim kryesor, krahas dënimit me burgim, shfuqizohet.
Neni 41
Hyrja në fuqi
Ky ligj hyn në fuqi 15 ditë pas botimit në Fletoren Zyrtare.
K R Y E T A R I
JOZEFINA TOPALLI (ÇOBA)